Repeat ಪುನರಾವರ್ತನೆ

http://and-the-life-goes-on.blogspot.in/2013/12/blog-post_18.html#links

http://and-the-life-goes-on.blogspot.in/2013/12/blog-post_18.html#links

ಮೃಗಾಲಯದ ಶುಲ್ಕ

18ನೇ ಶತಮಾನದಲ್ಲಿ ಇಂಗ್ಲೆಂಡಿನ ಮೃಗಾಲಯದ ಪ್ರವೇಶ ಶುಲ್ಕ ಮೂರುವರೆ ಪೆನ್ಸ್ ಆಗಿತ್ತು ಅಥವಾ ಶುಲ್ಕದ ಬದಲಿಗೆ ನೀವು ನಾಯಿ, ಬೆಕ್ಕುಗಳನ್ನು ಕೊಡಬಹುದಿತ್ತು. ಅವುಗಳನ್ನು ಮೃಗಾಲಯದವರು ಸಿಂಹಕ್ಕೆ ಆಹಾರವಾಗಿಸುತ್ತಿದ್ದರು. 

ನಾ ಒಲ್ಲೆ, ನಾ ಒಲ್ಲೆ

ಅಮೇರಿಕದ ಐಯೋವಾ ನಗರದ ನಿವಾಸಿ ಡೆರಿಕ್ ಎನ್ನುವವರಿಗೆ ತುಂಬಾ ಕೋಪ ಬಂದಿತ್ತು. ಪುರಭವನದ ಪಾರ್ಕಿಂಗ್ ತಾಣದಲ್ಲಿ ನಿಲ್ಲಿಸಿದ್ದ ತನ್ನ ಕಾರಿಗೆ ಪಾರ್ಕಿಂಗ್ ಶುಲ್ಕ ಕೊಡಲು ಸುತಾರಾಂ ಇಷ್ಟವಿರಲಿಲ್ಲ, ಒಪ್ಪಲಿಲ್ಲ.

ಶುಲ್ಕ ಪಾವತಿಸುವ ಸ್ಥಳಕ್ಕೆ ಹೋಗಿ ಅಲ್ಲಿದ್ದವಳಿಗೆ ಹೇಳಿದ “ನಿಮ್ಮ ಪಾರ್ಕಿಂಗ್ ಅಟೆಂಡೆಂಟ್ ನನ್ನ ಕಾರಿನ ಡಿಕ್ಕಿಯಲ್ಲಿದ್ದಾನೆ, ನಿಮಗೆ ಅವನು ಜೀವಂತವಾಗಿ ಬೇಕಾ ಅಥವಾ ಹೆಣವಾಗಿನಾ ?”  ಅವಳು ಕೂಡಲೇ ಪೋಲೀಸರನ್ನು ಫೋನಾಯಿಸಿ ಕರೆದಳು. ಪೋಲೀಸರು ಅವನೊಡನೆ ಮಾತನಾಡಿ ಅವನ ದೂರ್ವಾಸ ಕೋಪವನ್ನು ಗಮನಿಸಿದ ನಂತರ , ಜೀವ ಬೆದರಿಕೆ ಮತ್ತು ದುರ್ನಡತೆಯ ಆರೋಪದ ಮೇಲೆ ಬಂಧಿಸಿದರು.

ನನಗೆ ನಮ್ಮ ನಾಡಿನಲ್ಲಿ ಹೈವೇಯಲ್ಲಿ Toll ಪಾವತಿಸಲು ಒಪ್ಪದ VIP ಗಳ ನೆನಪಾಯ್ತು   

ಕೈ ಇಡುವ ಮೊದಲು

ವಾಲಂಟೈನ್ ಅನ್ನೋ ಹುಡುಗ, ಮೆಡಿಸನ್ ಅನ್ನೊ ಊರಲ್ಲಿ ಒಂದು ಸುಂದರವಾದ ಯೂನಿ‍ಫಾರ್ಮ್ ಹಾಕಿರುವ ಹೆಂಗಸು ಸೈಕಲ್ ಮೇಲೆ ಹೋಗೋದನ್ನ ನೋಡಿದ.  ನೋಡಿ ಸುಮ್ಮನಿರಲಾರದೇ ಅವಳ ಪೃಷ್ಠವ ತಟ್ಟಿದ.  ಜೊತೆಗೆ ಅವನ ಕೈ ಅವಳ ಸೊಂಟದಲ್ಲಿದ್ದ ಸರ್ವಿಸ್ ರಿವಾಲ್ವರನ್ನೂ ಮುಟ್ಟಿತು, ಆಗ ಅರಿವಾಯಿತು ಅವಳು ಸಾಮಾನ್ಯಳಲ್ಲ ಮಹಿಳಾ ಪೋಲಿಸ್ ಎಂದು. ಅವಳು ಸೈಕಲ್ಲಿನಿಂದ ಕೆಳಗಿಳಿದಳು, ಅವನಿಗೆ ಬೇಡಿ ತೊಡಿಸಿದಳು.  

ಏನೇ ಆದರೂ ನೋಡಿ ಕೈ ಇಡಬೇಕು !

ಹೀಗೊಂದು ನೆಪ.

ಹೀಗೊಂದು ನೆಪ.

“ನಾನು ನನ್ನ ಸೆಲ್ ಫೋನ್ ವಾಟರ್ ಪ್ರೂಫ್ ಹೌದೋ ಅಲ್ವೋಅಂತ ಟೆಸ್ಟ್ ಮಾಡೋಕೆ ಶವರ್ ಕೆಳಗೆ ಹಿಡ್ಕೊಂಡಿದ್ದೆ, ಆಮೇಲೆ ನೀರ ಹನಿಗಳು ಏನಾದ್ರೂ ಉಳಕೊಂಡಿರಬಹುದು ಅಂತ ಚೆನ್ನಾಗಿ ಅಲ್ಲಾಡಿಸಿದೆ, ಆಗ ಆಕಸ್ಮಿಕವಾಗಿ ಕ್ಯಾಮರ ಚಾಲೂ ಆಗಿ ಅವಳ ಫೋಟೋ ಹಿಡಿದಿರಬಹುದು” ಎಂದು  ಜಾಕ್ ಹಾರ್ಡಿ ಎನ್ನುವ 18 ವರ್ಷದ ಯುವಕ ಪೋಲಿಸರಿಗೆ ಹೇಳಿದ. ಸಾರ್ವಜನಿಕ ಸ್ವಿಮ್ಮಿಂಗ್ ಪೂಲಿನಲ್ಲಿ ಸ್ನಾನ ಮಾಡುತ್ತಿದ್ದ ಮಹಿಳೆಯೊಬ್ಬರು ಇವನು ಮೊಬೈಲಿನಲ್ಲಿ ಫೋಟೋ ಕ್ಲಿಕ್ಕಿಸುತ್ತಿದ್ದನ್ನು ಗಮನಿಸಿ ಪೋಲಿಸರಿಗೆ ದೂರು ನೀಡಿದ್ದರು. ಇದು ನಡೆದದ್ದು ಇಂಗ್ಲೆಂಡಿನಲ್ಲಿರುವ ಎಕ್ಸ್ ಟರ್ ಎನ್ನುವ ಊರಿನಲ್ಲಿ. 

ಆಮೇಲೆ ಅವನ ವಕೀಲರ ಸಲಹೆ ಮೇರೆಗೆ ಈ ಸುಳ್ಳನ್ನು ಹೇಳದೆ ತಾನು ಫೋಟೊ ಕ್ಲಿಕ್ಕಿಸಿ ಸುಖಿಸಿತ್ತಿದ್ದೆನೆಂದು ಕೋರ್ಟಿನಲ್ಲಿ ತಪ್ಪನ್ನು ಒಪ್ಪಿಕೊಂಡ. ಅವನಿಗೆ 18 ತಿಂಗಳುಗಳ ಸಾಧಾರಣ ಶಿಕ್ಷೆ ಮತ್ತು 150 ಪೌಂಡುಗಳ ಜುಲ್ಮಾನೆಯನ್ನು ಮತ್ತು ಲೈಂಗಿಕಅಪರಾಧೀ ಎಂದು ಐದು ವರ್ಷಗಳವರೆಗೆ ಕೋರ್ಟಿನಲ್ಲಿ ದಾಖಲಾತಿ ಇರುವಂತೆ ಆದೇಶಿಸಲಾಯಿತು.

ಆ ಮೊಬೈಲ್ ಫೋನಿನ ಗತಿ? ಅದನ್ನ ನಾಶಪಡಿಸಲಾಯಿತು.