Book ʼಚುಕ್ಕಿʼ ಕವನ ಸಂಕಲನ Chukki - Poetry Collection by Vijayalakshmi Satyamurthy

 

“ಕೊಂಬೆಯ ಮೇಲೆ

ಮಳೆಯಲ್ಲಿ ನೆನೆಯುತ್ತ
ಮುದುಡಿ ಕೂತಿದೆ ಹಕ್ಕಿಯೊಂದು
ಅನಿಸಿತು ನನಗೆ
ನನ್ನ ಕಷ್ಟ ಏನೇನೂ ಅಲ್ಲ ಎಂದು”

ಇದು ವಿಜಯಲಕ್ಷ್ಮಿ ಸತ್ಯಮೂರ್ತಿ ಅವರ ʼಚುಕ್ಕಿʼ ಕವನ ಸಂಕಲನದ ಉತ್ತಮ ಪದ್ಯಗಳಲ್ಲಿ ಒಂದು.

===
ಮಾಯಗಾರ ನೀನೆಂದು
ಗೊತ್ತಿರಲಿಲ್ಲ
ನೀನು ಬಂದ ಮೇಲೆ

ಕಣ್ಣು ನಿಶ್ಚಲ ಕೊಳವಾಗಿದೆ
ಹೃದಯ ಮೆಲುಕು ಹಾಕಲು
ಕಲಿತಿದೆ
===

'ಇದ್ದರೆ ಇರಬೇಕು
ಸೂರ್ಯ ಚಂದ್ರರಂತೆ

ಜಗದ ಮಾತಿಗೆ ಕಿವಿಗೊಡದೆ
ಮೌನವಾಗಿ ಬೆಳಕ ಚೆಲ್ಲುತ್ತಾ '

ಎನ್ನುವ ಚೆನ್ನುಡಿಯನ್ನೂ ಒಳಗೊಂಡಿದೆ

ಬಿದ್ದಿರುವ ವಸ್ತುಗಳ
ಜೋಡಿಸುವ
ಮನಸಿಲ್ಲ ಇಂದು ನನಗೆ

ಜೋಡಿಸಲು ಕಾದಿರುವೆ
ಮಾತಿಗೆ ಮಾತು ನಿನ್ನ ಜೊತೆಗೆ

ಸರಳವಾದ ಮೂರು ನಾಲ್ಕು ಸಾಲುಗಳ 84 ಹನಿಗವನಗಳಲ್ಲಿ ಭಾವೋತ್ಕರ್ಷ, ಮನದಿಂಗಿತ, ತತ್ವ ಎಲ್ಲವೂ ಅಡಗಿವೆ. ತನ್ನಷ್ಟಕ್ಕೆ ತಾನೇ ಹೇಳಿಕೊಳ್ಳುವುದು ಮತ್ತು ತನ್ನ ಪ್ರಿಯರಾದವರೊಡನೆ ಹೇಳುವ ಮಾತುಗಳು ಇಲ್ಲಿ ಕವನಗಳ ರೂಪ ಪಡೆದುಕೊಂಡಿವೆ.

ʼಚುಕ್ಕಿʼ ಪುಸ್ತಕ ಚೆನ್ನಾಗಿದೆ